By British Council in Azerbaijan

19 Mart 2021 - 14:53

Ingilis dilinin gələcəyimdəki əhəmiyyətli rolu
Lənkəranda yerləşən Təlim və Tədris Mərkəzlərimizdən birində şagird və gələcəyin parlaq memarı, Elnarə Heydərova, İngilis dilinin hədəflərini müəyyənləşdirməsində və fikirlərinin formalaşmasında əhəmiyyətindən danışdı.

Resurs və Təlim Mərkəzləri layihəsinin Lənkəranda həyata keçirilməsi mənim üçün yeni bir başlanğıc oldu, çünki dörd il idi ki, ingilis dilini öyrənməyə çalışırdım, lakin cəhdlərim uğursuz alınırdı. Çox səy göstərməyimə baxmayaraq, İngilis dilində səlis danışa bilmirdim. Təlim və Resurs Mərkəzlərindən birinin üzvü olduqdan sonra yenidən dil biliklərimin üzərində işləməyə və tədricən hədəflərimə çatmağa başladım. Arzum xaricdə təhsilimi davam etdirməkdir və hiss edirəm ki, addım-addım ona yaxınlaşıram.

Yeni bacarıqların eşiyində

'Resurs və Təlim Mərkəzləri tərəfindən təşkil edilən fəaliyyətlərdə iştirakçı olmaq dinləmə və danışıq bacarıqlarımın təkmilləşməsinə səbəb oldu.'

Artıq rahatlıqla əcnəbi musiqilərin mətnini başa düşə və əcnəbi dostlarımla ünsiyyət yarada bilirəm. Zamanla yenilikçi fikirlərimin olduğunu, tənqidi düşüncəyə sahib olduğumu və maneələrlə üzləşdiyimdə öhdələrindən gələ bildiyimi kəşf etdim. Burada, həm də yaradıcılıq və təxəyyülümün inkişafinda faydalı təcrübələr qazandım. Bu bacarıqların gələcək karyeramda əhəmiyyəti böyükdür. Əvvəllər hansı peşə ilə məşğul olacağımı bilmirdim. İndi isə hədəfim bəllidir və ona nail olmaq üçün inamla addımlayacam.

Yeni biliklər axtarışında

Resurs və Təlim Mərkəzindəki müəllimimin səyləri və faydalı yanaşmaları sayəsində sinif yoldaşlarımla aramızda asanlıqla ünsiyyət qura bilirik. Biz burada yalnız İngilis dilini öyrənmirik, həm də gender bərabərliyi, iqlim dəyişikliyi, özünə inam, tecnologiya və s. kimi olduqca mühüm mövzular ətrafında müzakirələr aparırıq. 

Bundan əlavə, müəllimimin məsləhətilə, dünyagörüşümün artmasında, yeni dostluqlar qurmağımda, yenilikləri kəşf etməyimdə və texnologiyaya dair innovasiyalarla tanış olmağımda olduqca faydalı, bir həftəlik STEM MOOC proqramına qoşuldum. 

Gələcəyə dair planlar

Hal-hazırda səkkizinci sinifdə oxuyuram və fikrimcə, artıq qərar verməyin vaxtıdır, gələcəkdə əsas məqsədim memar olmaqdır. Gələcəkdə müvəffəqiyyət qazanmış bir memar kimi, yaradıcı ideyalarımı real layihələrə çevirmək və beynəlxalq səviyyədə tanınan bir memar olmaq üçün səbirsizlənirəm.

British Council’a belə mükəmməl imkanlar yaratdığına, İngilis dili biliklərimizi təkmillləşdirdiyinə və cəmiyyətdə fəal vətəndaşa, eyni zamanda güclü liderə çevrilməyimiz məqsədilə gələcəyimizə istiqamət verdiyinə görə minnətdarlığımı bildirirəm.