Son günlər vaxtımızın çox hissəsini evdə keçiririk, bu həmişə etmək istədiyimiz, lakin zaman azlığından edə bilmədiyimiz işlərimizi həyata keçirməyə başlamaq üçün mükəmməl imkandır. Hər gün məşq etmək üçün nə qədər vaxtınızın olmasından asılı olmayaraq, vəsaitlərimiz sayəsində ingilis dili biliklərinizi təkmilləşdirməyə nail olacaqsınız.
Dil səviyyənizi müəyyənləşdirin
Əvvəlcə dil biliklərinizin hansı səviyyədə olduğunu öyrənməyinizə yardımçı, ödənişsiz İngilis dili lüğət və qrammatika sınaqlarımızdan keçə bilərsiniz. Nəticələrinizdən asılı olaraq platforma sizə dil biliklərinizi inkişaf etdirməyiniz məqsədilə hazırlıq vəsaitləri təklif edəcək.
Dil biliklərinizi təkmilləşdirin
Dil səviyyənizi bildiyiniz halda, dinləmə, oxu və yazı bacarıqlarınızın üzərində işləməyə başlaya bilərsiniz. Dil səviyyənizi seçin və daha sonra müxtəlif mətnlər, səs yazmaları, interaktiv tapşırıq və anketlər arasından istədiyinizi seçin.
Yeniyetmələr üçün ingilis dili
Dünyada bir çox şagirdlər hal-hazırda məktəbə gedə bilmirlər. Bizim LearnEnglish Teens vebsaytı sayəsində evdən İngilis dili ilə məşğul ola və öyrənə bilərsiniz. LearnEnglish Teens veb platformasında İngilis dili biliklərinizi təkmilləşdirməkdə yardımçı çoxlu video, audio və yazılı materiallar mövcuddur. Başlanğıc üçün LearnEnglish Teens veb səhifəsindən istifadə etməklə gündəlik 20-30 dəqiqənizi ayırmağınızı məsləhət görürük. Bu cür davam etsəniz, əhəmiyyətli dərəcədə irəliləmə əldə etdiyinizin fərqinə varacaqsınız.