British Council Tədqiqatçı Əlaqələri Səfər Qrantlarına ərizə qəbulunu elan edir. Səfər Qrantları gənc tədqiqatçılar üçün Birləşmiş Krallığın ali təhsil və ya tədqiqat müəssisələri ilə gələcək əməkdaşlıq əlaqələrinin genişləndirilməsi və möhkəmləndirilməsi üçün imkan yaradacaq, iqtisadi inkişafın təmin edilməsi istiqamətində tədqiqat qabiliyyətlərini artıracaq və gələcək karyera imkanlarının genişləndirilməsinə yol açacaqdır.
Səfər Qrantlarına aşağıdakı linkdə qeyd olunan tələbləri qarşılayan istənilən tədqiqatçı müraciət edə bilər. Ərizələrin qəbulu üçün son tarix 15 Oktyabr 2014-cü ildir.
Tədqiqatçılar 30 Sentyabr tarixinədək onlayn ərizə forması ilə müraciət edə bilərlər.
Azərbaycandan olan tədqiqatçılar 30 sentyabr tarixindən 15 oktyabr taraxinədək aşağıdakı ərizə forması ilə müraciət edə bilərlər. Tamamlanmış ərizə forması və tələb olunan sənədlər 15 oktyabr tarixinədək aşağıdakı e-mail ünvanına göndərilməlidir: UK-ResearcherLinks@britishcouncil.org
Səfər Qrantları vasitəsilə Azərbaycandan olan tədqiqatçılar Birləşmiş Krallığın aidiyyətli ali təhsil və ya tədqiqat müəssisələrində 1 aydan 3 ayadək müddətdə tədqiqat səfərinin maliyyə xərclərinin qarşılanması üçün müraciət edə bilərlər. Səfər Qrantları ölkənin iqtisadi və ümumi rifahının inkişaf etdirilməsi istiqamətində olan tədqiqat sahələrini dəstəkləyir.
Səfər Qrantları barədə ətraflı məlumatı bu linkdən əldə edə bilərsiniz.
Proqramla bağlı suallarınız olarsa, Təhsil və Cəmiyyət Şöbəsində Təhsil işləri üzrə icraçı əməkdaşımız Nigar Nasrullayeva ilə əlaqə saxlayın: