British Council 2020 Creative Spark Big Idea müsabiqəsinin Azərbaycan üzrə qaliblərini elan edir.

Cümə 07 Avqust 2020

British Council Birləşmiş Krallığın London Metropolitan Universiteti ilə birlikdə 2020-ci ilin ən böyük video təqdimat müsabiqəsi - Creative Spark Big Idea-nı təqdim edir.

Bu müsabiqə minlərlə gəncə (18-35 yaş arası) biznes ideyaları və sahibkarlıq bacarıqlarını inkişaf etdirmək imkanı yaradır. Platforma, həmçinin, gənclərin işsizliyinin narahatlıq doğurduğu və Covid-19 pandemiyasının dünya iqtisadiyyatına zərbə vurduğu bir vaxtda onlara öz profillərini inkişaf etdirməsinə və karyera imkanlarını artırmasına dəstək göstərir.

2020 Creative Spark Big Idea müsabiqəsinin Azərbaycan üzrə qalibləri:

Kateqoriya	Qalib olan ideya	Qalib(lər)	Universitet
Ölkə Çempionu	"Kekalove Adaptive Fashion" - Əlilliyi olan şəxslər üçün adaptiv dəb brendi	Məhəmməd Kekalov	Azərbaycan Dövlət İqtisad Universiteti
İnsanların Seçimi Mükafatı	"Road Buddy" - Görmə məhdudiyyətli şəxslərin hərəkəti üçün alət/applikasiya	Solmaz Fətullayeva	Azərbaycan Memarlıq və İnşaat Universiteti
Yaradıcılıq	"G2G Hotel" - Oyun sevənlər üçün “oyundan oyunçuya oteli”	Həsən Səfərəliyev, Aytən Hacıyeva, Miryaqub Babayev	Xəzər Universiteti
Rəqəmsal Texnoloqiya	"Mealman" - Restorana çatmamış yeməyini sifariş e	Zaman Kərimov, Elnur Vəlixanlı	Xəzər Universiteti
Sosial Təsir	"Kekalove Adaptive Fashion" - Əlilliyi olan şəxslər üçün adaptiv dəb brendi	Məhəmməd Kekalov	Azərbaycan Dövlət İqtisad Universiteti

Qaliblər biznes təhsili və yaradıcı sahibkarlıq üzrə təcrübəli, yerli və xarici münsiflər tərəfindən seçilib. 50,000-dən çox insan isə “İnsanların Seçimi” üzrə öz sevimli ideyasını seçmək üçün qalibə səs verib.

Müsabiqə Cənubi Qafqaz ölkələri, Mərkəzi Asiya və Ukraynada 2 martdan 19 iyula qədər davam edib. 110 ali təhsil müəssisəsindən və yaradıcı institutlardan 500-ə qədər biznes ideyası qəbul olunub. Gənc sahibkarlar üç kateqoriya üzrə yarışıb: rəqəmsal texnologiya, social təsir və yaradıcılıq. Covid-19 pandemiyası ilə əlaqədar British Council yarışmaya əlavə olaraq “Pandemiyayla Mübarizə üçün İnnovasiya Mükafatı” təsis edib.

Geniş Avropa reqionmuzun üzrə Təhsil Direktoru, Riçard Everitin fikirləri: “Dünya iqtisadiyyatını dirçəltmək və gənclərin işsizliyini aradan qaldırmaq üçün innovativ biznes ideyalarına heç vaxt indiki qədər ehtiyac olmayıb. British Council olaraq dünya üçün böyük dəyişikliyə nail olacaq tələbələr, məzunlar və sahibarları dəstəkləməkdən məmnunuq. İdeyaların beşdə birinin Covid-19-la mübarizə üçün olduğunu nəzərə alaraq, biz qaliblərin yeni bizneslərə başlaması və öz arzularını reallaşdırmasına maliyyə yardımı dəstəyi göstərməyə çox şadıq.”

Notes to Editor

Creative Spark proqramı haqqında: British Council Creative Spark proqramını 2018-ci ildə yaradıb. Həmin ildən, proqram minlərlə tələbə, məzun və sahibkarlara innovativ biznes ideyaları ilə yenilik gətirməsinə dəstək göstərib. Proqramın digər əsas məqsədi gənclərin işsizlik probleminin və eyni zamanda böyük potenisalının olduğu ölkələrdə yaradıcı iqtisadiyyatı inkişaf etdirmək üçün yeni əməkdaşlıq imkanlarını dəstəkləməkdir. Bunun üçün, British Council Cənubi Qafqaz, Mərkəzi Asiya və Ukrayna və Birləşmiş Krallıq arasında əməkdaşlığın artırılması üçün ali təhsil müəssisələrinə və yaradıcı institutlara maliyyə ayırır.

About the British Council

British Council Birləşmiş Krallığın mədəniyyət üzrə əlaqələr və təhsil imkanları sahəsində fəaliyyət göstərən beynəlxalq təşkilatıdır. Biz Birləşmiş Krallıq və digər ölkələrin xalqları arasında dostluq və qarşılıqlı anlaşma münasibətləri yaradırıq. Biz bunu Birləşmiş Krallığa və birgə çalışdığımız ölkələrə müsbət töhfələr verərək – imkanlar yaratmaqla insanların həyatını dəyişərək, əlaqələr quraraq və inam yaradaraq edirik. Biz dünyanın 100-dən çox ölkəsində mədəniyyət və incəsənət, ingilis dili, təhsil və vətəndaş cəmiyyəti sahələrində fəaliyyət göstəririk. Keçən il 80 milyondan çox insana üz-üzə və ümumilikdə 791 milyon insana onlayn, yayımlar və nəşrlər vasitəsilə səsimizi çatdırmışıq. Təşkilatımız 1934-cü ildə təsis edilmişdir. Birləşmiş Krallığın Kral Xartiyası tərəfindən idarə edilən xeyriyyə təşkilatı və Birləşmiş Krallığın dövlət qurumuyuq.

Əlaqəli linklar

London Metropolitan Universiteti

British Council

Azərbaycan