Buraxılış ili: 2017
İstehsalçı ölkə: Birləşmiş Krallıq
Rejissor: Stenli Tuççi
Aktyorlar: Ceffri Raş, Armi Hammer, Klemans Poezi, Toni Şelub, Silvi Testyu
Janr: komediya, dram, tərcümeyi-hal
Müddəti 90 dəqiqə
Yaş həddi: 16+
1964-cü ildə Paris şəhərinə qısamüddətli səfər zamanı dünyaca məşhur rəssam Alberto Cakometti amerikalı yazıçı və incəsənət həvəskarı Ceyms Lorddan portret üçün poza verməyi xahiş edir. Cakometti prosesin cəmi bir neçə gün davam edəcəyinə Lordu inandırır. Lord razılaşır. Bununla da qeyri-adi dostluğun təməli qoyulur, eyni zamanda, bədii prosesin gözəlliyinə, təşkilinin qeyri-mümkünlüyünə, dərinliyinə və qarmaqarışıqlığına Lordun gözü ilə nəzər salınır. SONUNCU PORTRET dahi şəxsiyyətin portretidir, bir-birindən tamamilə fərqlənən, lakin aralarındakı əlaqəni vahid, daima inkişaf edən yaradıcılıq potensialı vasitəsilə getdikcə möhkəmləndirən iki kişinin dostluğunu təcəssüm edir. Bu film bədii prosesi işıqlandırır, görkəmli rəssamın fitri istedadının xeyir-dua, yoxsa lənət olduğunu müəyyən etməyə çalışır.
Film Park Cinemada (Park Bulvar) nümayiş olunacaq. Giriş pulsuzdur.