"Creative Spark" Birləşmiş Krallığın dəstəyilə Mərkəzi Asiya ölkələrində (Qazaxıstan, Özbəkistan, Qırğızıstan), Cənubi Qafqaz ölkələrində (Azərbaycan, Gürcüstan, Ermənistan) və Ukraynada (ümumilikdə yeddi ölkədə) biznes bacarıqlarını və yaradıcı iqtisadiyyatı inkişaf etdirmək məqsədilə universitetlərarası və institusional əməkdaşlığı beynəlxalq səviyyədə dəstəkləmək üçün nəzərdə tutulan yeni təşəbbüsdür.
Tərəfdaşlıq Fondu proqrama qoşulan ölkələrdə biznes təhsilinin inkişafını dəstəkləyən tədbirlərin işlənib hazırlanmasını və həyata keçirilməsini təmin edəcək. O, Birləşmiş Krallıq ilə əməkdaşlıq şəraitində sözügedən ölkələrdə yaradıcılıq sahələrini möhkəmləndirməklə işsizlik səviyyəsinin azaldılmasına nail olacaq.
O, Birləşmiş Krallığın ali təhsil müəssisələri, yaradıcılıq sektorunda fəaliyyət göstərən əlaqədar milli qurumlar və proqrama qoşulan ölkələrin analoji müəssisələri arasında mövcud tərəfdaşlıq münasibətlərini möhkəmləndirmək və ya yeni əlaqələri stimullaşdırmaq məqsədilə verilir.
"Creative Spark" Tərəfdaşlıq fondu və müraciət qaydaları haqqında daha ətraflı məlumat əldə etmək üçün 12 sentyabr tarixində Bakı vaxtı ilə saat 13:00-da (London vaxtı ilə 10:00) vebinara qoşulun. İnternet brauzerinizə lazımi əlavə proqramı quraşdırmaq üçün seminara ən az 10 dəqiqə əvvəldən qoşulmağınız xahiş olunur