Məzun Mükafatları Böyük Britaniyada təhsil almış məzunların çalışdıqları peşə sahələrinə verdikləri töhvələri işıqlandırır və nailiyyətlərində Birləşmiş Krallıqda aldıqları təhsilin əhəmiyyətini vurğulayır.
Üç mükafat kateqoriyası mövcuddur: Peşəkar Nailiyyət, Sahibkarlıq, və Sosial Təsir.
- Peşəkar Nailiyyət Mükafatı fəaliyyət göstərdikləri peşə sahəsində nümunəvi liderlik və qazandığı uğurlarla həmin və ya digər sahələr üzrə müsbət təsiri yaratmış məzunlara verilir.
- Sahibkarlıq Mükafatı innovativ və yaradıcı ideyalara sahib, eləcə də güclü inkişaf potensialı yaradacaq biznes imkanlarını irəli sürmək və ya onları dəstəkləmək baxımından fəal olan məzunlara verilir.
- Sosial Təsir Mükafatı cəmiyyətə müstəsna və müsbət töhfələr vermiş, eləcə də digər insanların həyat səviyyəsini yaxşılaşdırmaq üçün xidmət göstərmiş məzunlara verilir.
Məzun Mükafatları müsabiqəsinin qalibləri 9 fevral 2021-ci il tarixində, saat 19:30-da keçiriləcək canlı mərasimdə elan ediləcəkdir.