Çərşənbə axşamı 16 Fevral 2021

British Council Azərbaycanda keçirilən StudyUK Məzun Mükafatları 2020-2021 müsabiqəsinin dörd qalibini elan edir.

Bu qaliblər, sahibkar və biznes sahəsi üzrə mütəxəssis, icma rəhbərləri kimi təqdirəlayiq nailiyyətlərinə və Azərbaycan – Böyük Britaniya arasında əməkdaşlıq əlaqələrini gücləndirərək əhəmiyyətli rol oynadıqlarına görə dünya miqyasında 1300 namizəd arasından seçilmişdir.

Prestijli beynəlxalq mükafat bütün dünyada Böyük Britaniyada ali təhsilin və orada təhsilini bitirmiş məzunların vuğurlarını qeyd edir. Müsabiqənin yeddinci ilində Birləşmiş Krallığın 148-dən çox təhsil müəssisəsini təmsil edən 114-dən çox ölkədən olan məzun müsabiqəyə namizəd kimi müraciət etmişdir. Münsiflər heyəti tərəfindən həyata keçirilən ətraflı və dəqiq müsahibələrdən sonra hər üç kateqoriyada - Peşəkar Nailiyyət,Sahibkarlıq, Sosial Təsir - mükafatların sahibləri müəyyənləşdirildi. Böyük Britaniyanın Azərbaycandakı Səfiri tərəfindən təqdim edilən xüsusi mükafat da öz sahibinə təhvil verildi.

  • Öz peşəkar sahəsində örnək liderlik nümayiş etdirərək seçilən məzunlar üçün nəzərdə tutulmuş Peşəkar Nailiyyət Mükafatı Nərmin Axundovaya təqdim olundu. Nərmin Esseks Universiteti məzunudur və molekulyar biologiya üzrə bioloqdur. O, Azərbaycan Ərzaq Təhlükəsizliyi İnstitutunda Elmi Tədqiqat və Risklərin Qiymətləndirilməsi departamentində aparıcı mütəxəssisdir. 
  • Öz peşəkar sahəsində örnək liderlik nümayiş etdirərək seçilən məzunlar üçün nəzərdə tutulmuş Sahibkarlıq Mükafatı Zülfiyyə Əliyevaya təqdim olundu. Zülfiyyə SOAS London və Vorvik Universitetinin məzunudur. Zülfiyyə, məşhur idman geyimləri markası MESHQUE şirkətinin yaradıcısıdır. Şirkət geyimlərin istehsalında yerli mənbələrdən faydalanır. 
  • Cəmiyyətdə müsbət sosial fərqlilik reallaşdıraraq müstəsna fəaliyyət göstərən məzunlar üçün nəzərdə tutulmuş Sosial Təsir Mükafatı Məryəm Tağıyevaya təqdim olundu. Məryəm Vorvik Universiteti məzunudur və blockchain mütəxəssisi və beynəlxalq profilə sahib spikerdir. Azərbaycanın ən böyük proqram təminatı və təchizatçılarından biri olan IDRAK Technology Transfer-də fəaliyyət göstərir. Müstəqil olaraq Azərbaycan Gəncliyinin Avropaya İnteqrasiyası Təşkilatı (AGAT) adlı gənclər QHT-si kimi müxtəlif təşəbbüslərə rəhbərlik edir. 
  • Böyük Britaniyanın Azərbaycandakı Səfiri tərəfindən təqdim edilən xüsusi mükafat isə Fidan Cavadovaya verildi. Fidan London Kral Kolleci məzunudur və BeWorks Automation qurumunun təsisçisidir. O, innovator kimi Böyük Britaniya və  Azərbaycanda öz təcrübəsinən bəhrələnərək fəaliyyətə nəzarətin avtomatlaşdırılması, yenilənə bilən və elektrikli infrastrukturun inkişafı sahəsində işlər görür. 

Bu ilin nümunəvi qalibləri və münsiflər heyəti haqqında daha ətraflı oxumaq üçün aşağıdakı linkə keçid edin: https://bit.ly/3qzU9T9

British Council’ın ölkə üzrə direktoru, Cənab Samr Şah bildirir:

"...Bu ilki finalçılar Birləşmiş Krallıqdakı təhsilin müasirdünyada həyatları dəyişdirən təsirini, müxtəlifliyini və aktuallığını təmsil edirlər."”

Əlavə məlumat üçün, Marketinq üzrə menecer Eynar İliyevlə əlaqə saxlayın, einar.iliyev@britishcouncil.org

Notes to Editor

Məzunlar Mükafatları British Council və UK universitetləri tərəfindən hazırlanmış və British Council tərəfindən 2014-cü ilin sentyabrında təsis edilmişdir. Müsabiqəyə hal-hazırda Birləşmiş Krallıqda yaşamayan, minimum bir semestr müddətində rəsmi olaraq tanınmış Birləşmiş Krallıq təhsil müəssisəsində dərəcə qazanmış, ali təhsilli və ya daha yüksək dərəcəyə sahib tələbə kimi qeydiyyata alınmış və ya son 15 il ərzində Birləşmiş Krallıq universtitetlərinin biri tərəfindən dərəcəyə layiq görülmüş şəxslər müraciət edə bilərlər.

Mükafat sahibləri və finalistlərin hər biri öz Birləşmiş Krallıq təhsil təcrübələrindən yararlanaraq icmalarına, peşə sahələrinə və ölkələrinə müsbət təsir göstərən liderlərdir. Məzun Mükafatları Müsabiqəsi İngiltərədəki ali təhsilin təsirini və dəyərini qeyd edir və nümayiş etdirir, İngiltərə məzunlarının, onların bitirdikləri universitetlərin və bütün Birləşmiş Krallıq təhsilinin nüfuzunu artırır.

Mükafatlar aşağıdakı kateqoriyalarda verilir:

Professional Nailiyyət Mükafatı

Peşəkar iş dünyasında nümunəvi liderlik və nailiyyətləri ilə fərqlənən və peşələrindəki və digər sahələrdə qazandıqları uğurların təsirini və miqyasını nümayiş etdirə biləcək məzunlara təqdim edilir.

Sahibkarlıq mükafatı

Yenilikçi və yaradıcı yeni fikirlər və həll yolları və ya güclü inkişaf potensialına sahib olan iş imkanlarını təşəbbüs etməkdə fəal olan məzunlara təqdim edilir.

Sosial təsir mükafatı

Müsbət sosial dəyişiklik yaratmaq və başqalarının həyatını yaxşılaşdırmaq üçün müstəsna bir töhfə və öhdəlik verən məzunlara təqdim edilir.

Ətraflı məlumat üçün Study UK Alumni Awards veb səhifəsini ziyarət edin. Bundan əlavə keçən ilin Məzun Mükafatı sahiblərini tanımaq üçün buraya keçid edin.

About the British Council

British Council Birləşmiş Krallığın mədəniyyət üzrə əlaqələr və təhsil imkanları sahəsində fəaliyyət göstərən beynəlxalq təşkilatıdır. Biz Birləşmiş Krallıq və digər ölkələrin xalqları arasında dostluq və qarşılıqlı anlaşma münasibətləri yaradırıq. Biz bunu Birləşmiş Krallığa və birgə çalışdığımız ölkələrə müsbət töhfələr verərək – imkanlar yaratmaqla insanların həyatını dəyişərək, əlaqələr quraraq və inam yaradaraq edirik. Biz dünyanın 100-dən çox ölkəsində mədəniyyət və incəsənət, ingilis dili, təhsil və vətəndaş cəmiyyəti sahələrində fəaliyyət göstəririk. Keçən il 80 milyondan çox insana üz-üzə və ümumilikdə 791 milyon insana onlayn, yayımlar və nəşrlər vasitəsilə səsimizi çatdırmışıq. Təşkilatımız 1934-cü ildə təsis edilmişdir. Birləşmiş Krallığın Kral Xartiyası tərəfindən idarə edilən xeyriyyə təşkilatı və Birləşmiş Krallığın dövlət qurumuyuq.

See also