IELTS imtahan günü

İmtahan saat 09:00-da başlanır. Bununla belə, kifayət qədər vaxt ehtiyatının olması üçün saat 08:00-da gəlməyinizi tövsiyyə edirik. Təəssüf ki, əgər imtahanın başlanma vaxtına geciksəniz, həmin gün imtahana buraxılmayacaqsınız.

Siz ərizə formasında şəxsiyyətinizin təsdiq edilməsi üçün tələb olunan şəxsiyyət vəsiqənizi və ya pasportunuzu gətirməlisiniz. Sürücülük vəsiqəsi və ya tələbə bileti bu sənədləri əvəz edə bilməz. Təəssüf ki, şəxsiyyətini təsdiq edən etibarlı sənəd təqdim etməyən namizədlər imtahana buraxılmayacaq. 

IELTS imtahanlarında təhlükəsizlik bizim üçün zəruridir. Əlavə tədbir qismində, bizim imtahan xidməti heyətimiz imtahan günü pasport üslubunda namizədlərin fotoşəklini çəkir. Bu fotoşəkil Sizin nəticələrinizə əlavə olunur (buna, həmçinin, İmtahan Hesabatı Forması deyilir). Bu, icbari prosedurdur. 

Yaşı 18-dən az olan namizədlər öz valideyninin, yaxud qanuni qəyyumunun imzalanmış razılığını təqdim etməlidirlər ki, biz onların fotoşəklini çəkə bilək.

Imtahan otağına yalnız şəxsiyyətinizi təsdiq edən sənədi gətirməlisiniz. İmtahan otağına başqa heç bir şey gətirməyə icazə verilmir. 

Siz bütün əşyalarınızı saxlama otağına qoymalısınız. İmtahan zamanı saxlama otağı bağlı olacaq. İmtahanın keçirildiyi yerdə Sizin şəxsi əşyalarınızın itirilməsinə və ya korlanmasına görə British Council cavabdeh deyil. Buna görə də qiymətli əşyalarınızı – məsələn, mobil telefonunuzu və kompüterinizi evdə qoymağınız tövsiyyə olunur.