Qiymətləndirmə ehtiyacları üçün Aptis testini seçin
Aptis müəllimlərimiz tərəfindən yoxlanılmış, sürətli və etibarlı nəticələr təmin edən kompüterdə keçirilən testdir
Aptis 85-dən çox ölkədə universitetlər, məktəblər və hökumətlər kimi müxtəlif təşkilatlar tərəfindən istifadə edilir. O, eyni zamanda bütün dünyada nazirliklər, təhsil müəssisələri və regional hökumətlər tərəfindən ingilis dili biliklərinin əsaslı dəlili kimi qəbul edilir.
Hansı bacarıqları yoxlayacağınızı seçin
Siz mövcud ehtiyaclarınızdan asılı olaraq bir və ya daha çox dil bacarıqlarını (danışıq, yazı, dinləmə və oxu) yoxlamağı seçə bilərsiniz. Hər bir test hər bacarıq üzrə CEFR səviyyəsinin dəqiqliyinin əlavə olaraq təmin edilməsi üçün icbari qrammatika və lüğət tərkibi modulunu əhatə edir.
Testi nə vaxt, harada və necə keçirməyi seçin
Aptis testin keçiriləcəyi tarixi, vaxtı və yeri seçməyinizə imkan verən elastik təhvil sisteminə malikdir.
Aptis namizədlərin biliklərinin səviyyəsindən asılı olmayaraq, fərqli yerlərdə iri namizəd qrupları ilə istifadə edilməsi mümkün olan miqyası dəyişən yoxlama alətidir. Siz bütün prosesi təşkilatınızda müstəqil şəkildə həyata keçirə, yaxud vaxtınızı boşaldaraq bunu ekspertlər komandamıza həvalə edə bilərsiniz.
Biz eyni zamanda xüsusi ehtiyacları olan namizədlər üçün şərait yarada və Brayl əlifbasında olan və iri hərflərlə yazılmış testlərin hazırlanması, vaxtın dəyişdirilməsi, qələm-kağızla keçirilən testlərin təşkil edilməsi kimi fərqli tədbirlər görə bilərik.
Dəqiq və etibarlı test nəticələrini cəmi 48 saat ərzində əldə edin
Testin danışıq və yazı hissələri təlim keçmiş müəllimlərdən ibarət komandamız tərəfindən ciddi keyfiyyətin təminatı və keyfiyyətə nəzarət standartlarına müvafiq şəkildə 48 saat ərzində obyektiv qiymətləndirilir.
Aptis testinin oxu, dinləmə, qrammatika və lüğət tərkibi komponentləri sistem tərəfindən avtomatik qiymətləndirilir.