The Impressionists

Bazar 20 Avqust 2017 - 13:00

Birləşmiş Krallıq, 2014-cü il, 1 saat 27 dəqiqə

Rejissor: Fil Qrabski

Janr: Sərgi-film

Dünyanın ən məşhur rəssamlarından olan Mone, Sezan, Deqas, Renuar. Bu rəssamların və onların müasirlərinin əsərləri dünyanın hər yerində milyonlarla dollara satılır. Bəs onlar əslində kimlərdir? Onların əsərləri necə və nə üçün yaradılıb? Onların əsrlərə meydan oxuyan rəsmlərinin arxasında nə dayanır?

Bu təkrarolunmaz film bu suallara cavab vermək üçün impressionist rəssamların məşhurluq qazanmasında böyük rol oynamış, XIX əsrdə yaşamış parisli kolleksioner Pol Düran-Ruelə həsr edilmiş böyük yeni sərgini tamaşaçılara təqdim edir. Səbirsizliklə gözlənilən bu beynəlxalq sərgi tarixdə impressionistlərin bəlkə də ən hərtərəfli araşdırmasıdır.

İmpressionistlərin 1886-cı ildə Nyu-Yorkda keçirilmiş sərgisi Düran-Ruelin cəsur təşəbbüsü sayəsində baş tutmuşdu. Bu sərgi müasir fransız rəssamlığını zəngin Amerika ziyalılarına təqdim etdi. Bununla o, böyük amerikan qalereyalarını impressionistlərin şah əsərləri ilə doldurmaqla kifayətlənməyib, impressionistlərin tam müvəffəqiyyətsizliklə üzləşdikləri bir zamanda həyatda qalmalarını təmin etdi. Bu güclü və ibrətamiz film Düran-Ruelin və impressionistlərin təəccüblü tarixini nağıl edəcək. Filmdə Mone, Deqas, Sezan, Renuar, Pisarro və bir çox başqa rəssamların bütün dünyanın heyranlığını qazanmış şah əsərləri verilib.

Film Alov Qüllələrində yerləşən "Park Cinema" kinoteatrlarında nümayiş olunacaq. Biletlərin qiyməti 9 manatdır. Biletləri onlayn şəkildə və Park Bulvar və Alov Qüllələrinin bütün kassalarında əldə etmək mümkündür.