British Council Azərbaycan böyük məmnuniyyətlə sizi 11-12 aprel 2015-ci il tarixlərində keçiriləcək özünün növbəti Birləşmiş Krallıqda Təhsil sərgisinə dəvət edir. Bu 2013-cü ildən bu günə qədər bizim Bakıda artıq 4-cü sərgimizdir və bu dəfəki sərgidə Britaniyanın 20 məktəbi, kolleci, həmçinin dil kursunun iştirakı gözlənilir. Potensial tələbə və ya valideyn kimi təhsil müəssisələrinin nümayəndələri ilə görüşüb onlardan özünüz və ya övladlarınız üçün pansionat məktəblərində və kolleclərdə təhsil almaq ilə bağlı dəyərli məsləhətlər və tövsiyyələr almaq üçün bu sərgi əla imkandır.
Sərgi iştirakçıları olan məktəb və kolleclər öz tələbələrinə Birləşmiş Krallığın top universitetlərində təhsil almaq imkanı yaradır. Siz sərgini sadəcə dil kurslarının nümayəndələri ilə görüşmək üçün də ziyarət edə bilər və rahatlıqla bu yay üçün yaxud da yaydan sonra, və ya gələn il üçün Birləşmiş Krallıqda İngilis dili kursuna elə onların stendində qeydiyyatdan keçə bilərsiniz. Sərgidə iştirak üçün yaş limiti yoxdur, həmçinin giriş ödənişsizdir və sərgi ümumilikdə Britaniya təhsili ilə maraqlan hər bir kəs üçün açıqdır.
Bundan öncə olduğu kimi bu sərgimizdə də pansionat məktəbləri, universitet öncəsi hazırlıq və kurslar, eyni zamanda dil kursları ilə bağlı təqdimat və seminarlar keçiriləcək. Həmçinin, sərgini ziyarət edəcək şəxslərin keçirilən müxtəlif müsabiqələrdə iştirak edərək hədiyyələr qazanmaq imkanı da olacaq. Nəhayət sərgi iştirakçıları haqqında ətraflı məlumat, təhsil haqları, təqdim edilən təqaüd və güzəştlər ilə bağlı kataloq da ziyarətçilərə təqdim ediləcək. Bütün bu imkanlar üçün siz sadəcə aşağıdakı linkə daxil olub sərgiyə qeydiyyatdan keçməlisiniz:
https://az.edukexhibition.org/az-az
Qeydiyyatdan keçmək üçün ilk öncə yuxarıdakı internet səhifəsində ‘Hesab aç’ funksiyasından istifadə edib öz şəxsi və təhsil planlarınız ilə bağlı ilkin məlumatlarınızı daxil edib özünüzə hesab açırsınız. Bu hesab vasitəsilə bundan sonra bizim bütün sərgilərə çox rahatlıqla qeydiyyatdan keçə biləcəksiniz.
Hesabınız ilə bağlı məlumat dərhal sizin e-mail ünvana göndəriləcək və siz istənilən zaman oradakı məlumatları yeniləyə bilərsiniz. Hesabınızı açdıqdan dərhal sonra isə siz bir neçə əlavə suala cavab verməklə 11-12 aprel 2015-ci il tarixlərində keçiriləcək sərgiyə rahat şəkildə qeydiyyatdan keçə biləcəksiniz.
Sərgi proqramı və müsabiqələr də daxil olmaqla sərgi haqqında daha ətraflı məlumat və yeniliklər üçün bizim internet və Facebook səhifələrimizi izləyə bilərsiniz:
www.EducationUK.Org/Azerbaijan
www.BritishCouncil.az
www.facebook.com/BritishCouncilAzerbaijan
www.facebook.com/EducationUK.BritishCouncil
Facebook-da sərginin səhifəsinə qoşulun və yeniliklərdən mütəmadi xəbərdar olun.
Sərgidə iştirak edəcək məktəb, kollec və İngilis dili kurslarının bu günə olan siyahısını təqdim edirik (17 fevral 2015-ci il tarixində yenilənib):
1. Astrum Education
2. Bell Educational Services
3. Bosworth Independent College
4. Brooke House College
5. Cambridge Tutors College
6. Cardiff Sixth Form College
7. David Game College
8. English UK
9. Etherton Education
10. Friends' School, Saffron Walden
11. John Leggott College
12. Kaplan International
13. Mander Portman Woodward
14. Saint Michael's College
15. St Mary's Cambridge
16. Study Group International
11 aprel 2015-ci il tarixində Bakıda başqa bir Birləşmiş Krallıq universitetləri sərgisi də baş tutacaqdır. Fairmont otelində Levant Education Birləşmiş Krallıq Universitetləri Turu* tədbiri də keçiriləcək və tədbir iştirakçılara açıqdır. Ətraflı məlumatı üçün Levant Education veb səhifəsinə müraciət edə bilərsiniz.
*Bu qeyd sırf məlumat xarakterlidir. British Council təhsil sərgiləri və tədbirlər üçün akkreditasiya vermir.