Azərbaycanda məzunların nailiyyətlərini qeyd edirik

Qabaqcıl şəxslər Birləşmiş Krallıqda dünya standartlarına uyğun təhsil aldıqda, bunun nəticəsi uzumüddətli ola bilər. Məzun Mükafatları (Alumni Awards) Birləşmiş Krallığın ali təhsil müəssisələrindən məzun olmuş şəxslərin seçdikləri sahələrdə gördükləri işləri və onların Birləşmiş Krallıqda aldıqları təhsilin bu işlərə göstərdiyi təsiri qiymətləndirir.

Dörd mükafat kateqoriyası mövcuddur: Peşəkar Nailiyyət, Sahibkarlıq, Sosial Təsir, və Heyatdakı Uğur mükafatı.

  • Peşəkar Nailiyyət Mükafatı fəaliyyət göstərdikləri peşə sahəsində nümunəvi liderlik və qazandığı uğurlarla həmin və ya digər sahələr üzrə müsbət təsiri yaratmış məzunlara verilir.
  • Sahibkarlıq Mükafatı innovativ və yaradıcı ideyalara sahib, eləcə də güclü inkişaf potensialı yaradacaq biznes imkanlarını irəli sürmək və ya onları dəstəkləmək baxımından fəal olan məzunlara verilir. 
  • Sosial Təsir Mükafatı cəmiyyətə müstəsna və müsbət töhfələr vermiş, eləcə də digər insanların həyat səviyyəsini yaxşılaşdırmaq üçün xidmət göstərmiş məzunlara verilir.
  • Həyatdakı Uğur Mükafatı Birləşmiş Krallıqda son 15 il müddətindən əvvəl təhsil alan, və Birləşmiş Krallıq-Azərbaycan münasibətlərinə müsbət təsir göstərmiş məzunlara verilir.
3 iyul 2019 Qeydiyyat açıqdır
13 oktyabr 2019 Namizəd seçmək üçün son tarixi
28 oktyabr 2019 Müraciət üçün son tarixi
Oktyabr-noyabr 2019 Finalçıların seçim prosesi
Dekabr 2019 Finalçıların elan edilməsi
Aprel 2020 Qlobal Məzun Mükafatları qaliblərin elan edilməsi

Qaliblər dekabr ayında keçirilən Mükafat Mərasimində elan ediləcək.

Əgər Birləşmiş Krallıq universitetlərinin birindən məzunusunuzsa və işinizin cəmiyyətə verdiyi müsbət dəyişikliklərdən dünyanın xəbər tutmağını istəyirsinizsə, Alumni Awards mükafat proqramına müraciət hələ də açıqdır. Sizin hekayənizi eşitməyi səbirsizliklə gözləyirik!

Keçən ilin qalibləri və finalçılarını qarşılayın

Bu namizədlər müxtəlif güclü ərizəçilər arasında keçirilən gərgin müsabiqə nəticəsində seçilib. Onların hekayəsinin nə üçün unikal olduğunu öyrənin.

Peşəkar nailiyyət mükafatı

Əfqan Baxışov, Mançester Universiteti - Qalib

Maliyyə Bazarlarına Nəzarət Palatasının İcraedici Şurasının üzvü kimi Maliyyə Sisteminin Müasirləşdirilməsi Layihəsi üzrə Dünya Bankının 2 layihəsində fəal şəkildə iştirak edən Əfqan Baxışov maliyyə bazarlarını tənzimləyən qanunların hazırlanması işinə öz töhfəsini verir. Əfqan Baxışov gündəlik işindən əlavə Hüquqşünaslar Assosiasiyasının üzvü kimi bir sıra işləri təmənnasız olaraq öhdəsinə götürür. O, müxtəlif təhsil tədbirlərinə qonaq məruzəçi və təlimçi kimi iştirak edib. Əfqan Baxışovun məqsədi qabaqcıl beynəlxalq təcrübələri Azərbaycanda maliyyə bazarının tənzimlənməsi ilə əlaqədar hüquq normalarına tətbiq etməyə nail olmaqdan ibarətdir.

Nazim Əliyev, Mançester Universiteti - Finalçı

Nazim Əliyev mikromaliyyələşdirmə üzrə müstəqil beynəlxalq menecer və potensialın artırılması üzrə mütəxəssisdir. Nazimin Birgə Borc Toplama texnikaları mikromaliyyə institutlarının fəlsəfəsinin dəyişdirilməsini və onların mövcud yanaşmalarını Azərbaycanda qanun pozuntularının idarə edilməsi istiqamətində dəyişmək məqsədilə mikromaliyyə təmin edən bankları dəstəkləmək məqsədilə yaradılıb.

Rəşad Gülməmmədov, Mançester Universiteti - Finalçı

Rəşad “Umid Babek Operating Company” Əməliyyat Şirkətinin aparıcı geomexanika mütəxəssisidir. Rəşad gündəlik işi çərçivəsində burğu işlərini optimallaşdırır, eyni zamanda karbohidrogen araşdırmaları və istifadəsi zamanı pul sərfiyyatına qənaət edilməsini və neft quyularının ömrünün uzadılmasını təmin edir. Rəşad hazırda burğu işləri ilə əlaqədar səmərəli strategiyalara töhfə verməklə ölkənin enerji balansının təmin edilməsinə birbaşa təsir göstərir və bu prosesdə iştirak edir.

Sahibkarlıq sahəsi üzrə mükafat

Ayan Əliyeva, Banqor Universiteti - Qalib

Ayan A-Level Təhsil Qrupunun Baş İcraçı Direktorudur. Beynəlxalq təhsil üzrə sahibkarlıq fəaliyyəti ilə məşğul olan Ayanın işinin əsas istiqaməti təhsil prosesinə alternativ interaktiv yanaşmaların tətbiq edilməsindən ibarətdir. Ayanın dil və fənnlərin tədrisi ilə əlaqədar innovativ metodologiyalara verdiyi töhfə tələbələrin başqa tədris mühitlərində sahib ola bilmədiyi tənqidi düşünmə bacarıqlarının və analitik bacarıqların müvəffəqiyyətlə inkişaf etdirilməsi ilə nəticələnib.

Turxan Əlizadə, Çester Universiteti - Finalçı

Turxan "Xırtaxırt" adlı ərzaq şirkətinin həmtəsisçisidir. Şirkət Bakıda və şəhərdən kənarda yerləşən bufetlər üçün müxtəlif növ yüngül qəlyanaltıların istehsalı və satışı istiqamətində ixtisaslaşıb. Ən populyar məhsulu isə spiral şəkilli kartof çipsləridir.

Sosial təsir mükafatı

Tural Məhərrəmov, Nottinqem Universiteti - Qalib

Tural ARDNŞ-in (Dövlət Neft Şirkətinin) baş mühəndis-ekoloqu, Xəzər Universitetinin mühazirəçisi və AZGREEN MMC şirkətinin baş icraçı direktorunun məsləhətçisidir. O, cəmiyyətin inkişafına töhfə vermək məqsədilə Azərbaycan Birləşmiş Krallıq Məzunları Assosiasiyasının sədri kimi bir sıra sosial layihələr həyata keçirir. Tural eyni zamanda kənardan Kosmik Tədqiqatlar üzrə fəlsəfə doktorluğu araşdırmalarını aparır.

Zümrüd Cəlilova, Bristol Universiteti - Finalçı

Zümrüd hər il 400 tələbə ilə işləməklə Bakı Dövlət Universitetində üç dildə Gender Araşdırmaları üzrə təhsil verir. O, göstərdiyi səylər sayəsində Gender Araşdırmaları kurslarını seçən tələbələrin sayının iki dəfə artmasına nail olub. Kampaniyalar, müzakirələr və nümayişlərdə fəal olması ona Azərbaycanda gender bərabərliyi uğrunda mübarizə aparmaq cəsarətini qazandırıb. Hazırda Zümrüd müxtəlif səviyyələrdə gender bərabərliyini təbliğ etməyə davam edir və Azərbaycanda feminizm və gender bərabərsizliyi haqqında müzakirələr təşkil edən "Equals" təşkilatının həmtəsisçisidir.

Zəfər Həsənov, Kembric Universiteti - Finalçı

Zəfər inklüziv təhsil, yoxsulluğun azaldılması, təhsil innovasiyaları, tədris planı islahatları, potensialın artırılması və beynəlxalq əməkdaşlıq sahələrinə xüsusi diqqət yetirməklə Azərbaycanda davam etməkdə olan təhsil təşəbbüslərini və islahatlarını dəstəkləyir. O, “Horizon-2020” Elmi-Tədqiqat və İnnovasiya proqramı üçün Milli Təmas Nöqtəsi rolunu icra edib və Beynəlxalq Miqrasiya Təşkilatı, ASAN İnnovasiyalar Mərkəzi, Azərbaycan Milli Elmlər Akademiyası Yüksək Texnologiyalar Parkı və Bakı Mühəndislik Universiteti üçün müstəqil layihə məsləhətçisi vəzifəsini yerinə yetirir.

Əlaqəli linklar

Share this