IELTS onlayn kurslar

IELTS-a gedən Yol Britaniya səfirliyinin məşhur onlayn hazırlıq kursudur. Bu kurs IELTS imtahanına hazırlaşmağınız üçün  sizə  ən yaxşı hazırlıq imkanı verəcək. IELTS-a gedən YOL-la sizin aşağıdakılardan yararlanmaq imkanınız olacaq:

• IELTS Akademik və Ümumi Təlim modulları üzrə onlayn resurslar
• Dinləmə, Danışıq, Oxu və Yazı testlərinə hazırlaşmağınız üçün elektron kitablarla təcrübə zonası
• Əvvəlki namizədlərin tövsiyyələrini əks etdirən nümunə video materiallar
• İmtahan zamanı nə etməli və nə etməməli olduğunuzu müəyyən etmək üçün müəllimlər tərəfindən tədris edilən dərslər
• Vaxt məhdudiyyəti tətbiq edilmiş təcrübə testləri
• Bilik və bacarıqlarınızı dünyanın başqa yerlərində IELTS yolu keçən digər tələbələrlə müqayisə etmək üçün “My Progress” (Mənim İnkişafım) bölməsi
• İmtahanınızın vaxtını sizə xatırladacaq “My Profile” (Mənim Profilim) bölməsi

IELTS-a gedən Yol mənə necə yardım edəcək?

IELTS-a gedən Yol bir sıra mühüm üsullarla sizə yardımçı olur:

• Fərdi inkişafınıza daim nəzarət etməyiniz üçün tapşırıqları yerinə yetirmə bacarıqlarınızla bağlı mütəmmadi rəybildirmə
• Təcrübi tapşırıqların  yerinə yetirilməsi zamanı buraxdığınız səhvləri anlamağınız üçün düzgün cavabların təmin edilməsi
• Testləri yüksək səviyyədə yerinə yetirməyiniz üçün ipucular və məsləhətlər
• İmtahandan qabaq özünəinamınızı artıracaq real IELTS test tapşırıqları əsasında hazırlanmış çalışmalar 

10 saatlıq pulsuz sınaq dərsləri vasitəsilə IELTS-a gedən Yol resurslarından yararlana bilərsiniz.

Bizimlə IELTS imtahanı üçün qeydiyyatdan keçməklə 20 saatlıq pulsuz tədris materialı əldə etmiş olacaqsınız.

Yaxud, siz birbaşa IELTS-a gedən Yol: Tam Versiya linkinə keçməklə abunəlik paketləri ilə birlikdə bu elektron tədris materialının tam variantını əldə edə bilərsiniz.